STEM-БІЛІМ БЕРУ ЭЛЕМЕНТТЕРІН БОЛАШАҚ ИНФОРМАТИКА МҰҒАЛІМДЕРІН ДАЯРЛАУҒА ИНТЕГРАЦИЯЛАУ

Аннотация

Зерттеуде STEM (science, technology, engineering and mathematics) білімін болашақ информатика мұғалімдерін дайындауда интеграциялау моделі қарастырылды. Бұл модель болашақ мұғалімдердің теориялық білімдерін ғылымның әртүрлі бағыттарымен байланысты нақты мәселелерді шешуде қолдана білу қабілетін қалыптастыруға бағытталған. Интеграцияланған STEM білім беру бірнеше пәнді біртұтас жүйеге біріктіретін пәнаралық тәсіл болып табылады. Сонымен қатар STEM пәндерін оқшауланған түрде оқыту мүмкін емес және олай оқытылмауы тиіс деген сенім артып келеді. STEM білім беру жеке пәндерді оқытуды болдырмай, пәнаралық тәсілдің маңыздылығын айқындайды. Сонымен бірге, STEM білім беру контекстінде информатика мұғалімдерін даярлау құрылымы мен мазмұнына қатысты нақты ұсыныстардың жетіспеушілігі байқалады, бұл қажетті құзыреттерді қалыптастыру үшін мақсатты дайындықты талап етеді.

Бұл мақалада болашақ информатика мұғалімдерін кәсіби пәндер бойынша оқытуда интеграцияланған STEM білім беру моделі ұсынылады. Бұл модель интеграцияланған оқыту мен STEM білім беру бойынша зерттеу әдебиеттерін талдау негізінде әзірленді. Ол информатика мұғалімдерін даярлаудың төрт негізгі блоктан тұрады:

 (1) Мақсатты блок — оқу бағдарламасының нақты мақсаттары мен күтілетін нәтижелерін анықтайды. (2) Процессуалдық блок — болашақ информатика мұғалімдерін оқыту мен даярлау барысында қолданылатын әдістер мен тәсілдерге назар аударады. (3) Мазмұнды-аналитикалық блок — оқу мазмұнын талдау мен қорытуды қарастырады. (4) Нәтижелік блок — қажетті құзыреттерді дамыту мен оларды іс жүзінде қолдануға бағытталған.

Ұсынылған модель информатика пәні мұғалімдерін кәсіби тұрғыдан дамытуға және STEM-білім беру талаптарына сәйкес келетін мақсатты оқу бағдарламаларын әзірлеуге негіз бола алады.