«IDEA» ТІЛДІК ОҚЫТУДАҒЫ СИНХРОНДАУ ТЕХНОЛОГИЯСЫ МОДЕЛІ ЖӘНЕ БІЛІМ БЕРУ БАҒДАРЛАМАЛАРЫ: ТЕОРИЯЛЫҚ НЕГІЗДЕУ

Аннотация

Оқыту мен оқу ортасына технологияны енгізу көптен бері даулы мәселе болып келеді. COVID-19 індетінен кейін білім беру жүйесінің онлайн режиміне жылдам ауысуы бұл сұрақты одан да тереңірек қарастыруға әкелді. Білім беруде технологияны қолдану қажеттілігі айқын болғанымен, оның оқыту мен оқу үдерісіне енуі бірнеше себептерге байланысты әрдайым бірқалыпты бола бермейді. Мұндай факторлардың ішінде сарапшылар педагогикалық ұйымдардың нашар технологиялық жабдықталуын, мұғалімдердің қорқынышын және технологияны пайдаланғысы келмеуін немесе мекеме әкімшілігінің мұғалімдерді қандай да бір әдіспен технологияны, тіпті олар нақты білім беру мақсатын көздемесе де қолдануға мәжбүрлеуге бағытталған «агрессивті» әрекеттерін атап өтеді. Бұл мақаланың мақсаты білім беруде технологияны қолдануды бұдан былай ерекше нәрсе деп санауға болмайтынын, керісінше оны COVID-тен кейінгі оқыту мен оқу уақытының ажырамас бөлігі ретінде қабылдау керектігін көрсету. Бұл мақалада зерттеу сипаттамалық әдісін, талдау әдісі және сауалнама әдісін қолданады. Мақалада білім беру үдерісіне технологияны енгізуге арналған IDEA (нұсқау, көрсету, тәжірибе және бағалау) әдісі де ұсынылған. Бұл әдіс технология оқушылардың көңілін көтеріп, мұғалімдердің шығармашылығын көрсетіп ғана қоймай, сонымен қатар оқытуды тиімдірек ететінін ескере отырып, ағылшын тілі мұғалімдеріне технологияны күнделікті сабақтарының бір бөлігіне айналдыруға көмектесуге тырысады. Бұл зерттеуде қолданылған әдістеме – түсіндірмелі тәсіл және қосымша деректерді талдау болып табылады. Мақалада ұсынылған идеяларды білім беру саласындағы ғалымдар, педагогтар және практиктер іс жүзінде мақұлдауы мүмкін.