ҚАЗАҚСТАН ЖОҒАРЫ ОҚУ ОРЫНДАРЫНДАҒЫ БЕЙРЕСМИ БІЛІМ БЕРУ: ПРАКТИКАЛЫҚ АСПЕКТ
##plugins.pubIds.doi.readerDisplayName##:
https://doi.org/10.48371/PEDS.2023.71.4.003Кілт сөздер:
Үздіксіз білім беру тұжырымдамасы, өмір бойы оқыту, бейресми білім, оқыту нәтижелері, құзыреттілік, бейресми білім беруді валидациялау, оқыту нәтижелерін қайта есептеу, білім беру бағдарламасыАннотация
Бұл мақаланың мақсаты – Қазақстанның жоғары оқу орындарында бейресми білім беруді енгізудің өзекті мәселелерін және оны «студент – университет – сыртқы орта» жүйесінде дамыту жолдарын ашу. Мақаланың ғылыми-практикалық маңыздылығы академиялық орта өкілдерінің бейресми білім беруге, тұлғаны дамыту принциптерін жүзеге асыратын білім ретінде, танымал кәсіби құзыреттіліктерді өзектілендіруге және қоғам қажеттіліктеріне тиімді бейімделуге баса назар аударуында. Қазіргі білім берудің өзекті мәселелерінің бірі маманды болашақ кәсіби қызметке дайындауда үдеріске бағытталған тәсілдер мен контекстік жағдайларға негізделген білім беру ортасын құру мәселесі болып табылады. Бұл міндеттер бейресми білім беруде алынған құзыреттерді танудың ұлттық жүйелерін салыстырмалы талдауды қажет етті, бұл бейресми білім берудің мәнін және оның негізгі міндеттерін түсінудің әртүрлі тәсілдерін анықтауға мүмкіндік береді. Жұмыста мемлекеттік деңгейде әзірленген іргелі құжаттарға шолу жасалып, Қазақстан университеттеріндегі бейресми білім берудің нормативтік-құқықтық базасы ұсынылған. Авторлар Қазақстанда үздіксіз білім беруді дамытудың алғы шарттарын және бейресми білім берудің дамуына кедергі келтіретін факторларды атап көрсетеді. Мақаланың ғылыми маңыздылығы мен практикалық құндылығы осы мәселені шешудің мүмкін жолдарын көрсетуде болып табылады: үздіксіз білім беруді табысты жүзеге асыру үшін құжаттар тізімі ұсынылады; бейресми білім беру нысанында алынған оқыту нәтижелерін жоғары сапалы растауға қойылатын талаптар айқындалады; oсы бағытта Қазақстандағы жоғары оқу орындарына кейбір практикалық ұсыныстар берілген.
