ИНКЛЮЗИВТІ БІЛІМ БЕРУ: АҒЫЛШЫН ТІЛІ МҰҒАЛІМДЕРІНІҢ ПІКІРЛЕРІ МЕН ТӘЖІРИБЕЛЕРІ
##plugins.pubIds.doi.readerDisplayName##:
https://doi.org/10.48371/PEDS.2024.72.1.012Кілт сөздер:
инклюзивті білім беру, ерекше білім беру қажеттіліктері бар оқушылар, арнайы білім беру қажеттіліктері, ағылшын тілі шетел тілі ретінде, орта мектептер, сынып тәжірибесі, оқу мүмкіндіктері, теңдікАннотация
Әлемдегі көптеген оқу орындары, соның ішінде колледждер мен орта мектептер, қазіргі білім беру жүйесіндегі соңғы өзгерістерді қабылдады, осыған сәйкес ерекше білім беру қажеттіліктері бар балалар өз құрдастарымен бірге сабақ оқу мүмкіндігіне ие. Осыған байланысты инклюзивті білім беру тұжырымдамасы барлық оқушыларға бірдей оқу мүмкіндіктерін ұсынуды білдіреді. ЮНЕСКО сияқты ірі ұйымдар инклюзивті білім берудің анықтамаларын бірауыздан мақұлдағанымен, бұл тұжырымдама бүкіл әлемде ешқашан тұрақты болған емес және оны түсіну мен тұжырымдау аймақтық, ұлттық және тіпті мектеп контекстіне байланысты құбылып отырады. Қазіргі қоғамның даму қарқынын ескере отырып, мұғалімдер сыныптағы өзгерістер мен қиындықтарға бейімделіп әрекет етуі тиіс. ХХІ ғасырда мұғалімдер оқушыларға өз ойларын еркін білдіруге мүмкіндік беретін оқу мен оқытудың инновациялық әдістерін қолдануы қажет. Инклюзивтілік стратегиясын қолдана отырып, ерекше білім беру қажеттіліктері бар балалар құрдастарымен күнделікті іс-шараларға қатыса алады, өзге оқушылармен достық қарым-қатынас орната алады және өздерін инклюзивті білім берудің басты мақсаты болып табылатын қоғамдастықтың бір бөлігі ретінде сезіне алады. Бұл зерттеу ағылшын тілін шет тілі ретінде оқыту барысында мұғалімдердің инклюзивті білім беруді қалай қабылдайтынына назар аудара отырып, Қазақстандық орта мектептердегі ағылшын тілі мұғалімдерінің ағылшын тілі сабақтарында инклюзивті білім беру туралы пікірлерін зерттейді. Осы зерттеудің нәтижелері мұғалімдер ағылшын тілін оқытуда инклюзияны енгізуге оң көзқараспен қарайтынын көрсетті. Алайда, кейбір тұжырымдарда қарама-қайшылықтар болды, бұл қайшылықтар осы салада тереңірек зерттеу қажеттілігін көрсетеді. Сонымен қатар, нәтижелер ерекше білім беру қажеттіліктері бар балалармен жұмыс істейтін мұғалімдерге қосымша дайындық пен кәсіби даму қажет екенін көрсетті.
