ОРТА МЕКТЕП ОҚУШЫЛАРЫН КОНТЕКСТІК ЕСЕПТЕРДІ ШЫҒАРУҒА ҮЙРЕТУ АРҚЫЛЫ ФУНКЦИОНАЛДЫҚ САУАТТЫЛЫҒЫН ДАМЫТУ ӘДІСТЕМЕСІ
##plugins.pubIds.doi.readerDisplayName##:
https://doi.org/10.48371/PEDS.2025.76.1.035%20Кілт сөздер:
математика, математиканы оқыту әдістемесі, функционалдық сауаттылық, орта мектеп, оқыту, Контекстік есептер, математикалық сауаттылық, PISAАннотация
Мақалада мектептегі математикалық білім беруді
жаңарту контекстінде функционалдық сауаттылықтың құрамдас бөлігі
ретінде математикалық сауаттылықты қалыптастыру мәселесі ашылады.
Функционалдық сауаттылықты жалпы білім беру жүйесіне енгізудің
өзектілігі, оны түсінудің әртүрлі тәсілдері негізделеді, математикалық
сауаттылықтың мазмұны мен құрылымы анықталады. Математикалық
сауаттылықты қалыптастыруға және бағалауға бағытталған контекстік
тапсырмаларға сипаттама беріледі. Мәселелер талданады және
математикалық сауаттылықты математикалық білім беруді дамыту бағыты
ретінде енгізу жолдары ұсынылады. Пәндік, пәнаралық және практикалық контекстік тапсырмаларды пайдалана отырып, математикалық сауатты
лықты қалыптастыру бойынша контекстік есептерді шешу мүмкіндіктері
қарастырылады. Математиканы оқыту процесіне функционалдық
сауаттылықты енгізу нәтижелері туралы қорытынды жасалады. Осыған
байланысты біздің мақаланың мақсаты математикадан контекстік есептерді
шешуге үйрету арқылы орта мектеп оқушыларының функционалдық
сауаттылығын дамыту әдістемесінің қажеттілігін негіздеу болып табылады.
Осы мақаланы жазу кезінде тақырыпты ашудың белгілі бір ғылыми
әдістері қолданылды. Тақырыпты толық ашу үшін осы мақаланы зерделеу
кезінде теориялық және эмпирикалық әдістер, ғылыми әдебиеттерді талдау,
теориялық білімді жалпылау, салыстыру және жүйелеу әдістері қолданылды,
бұл математикадан контекстік есептерді шешуге үйрету арқылы орта мектеп
оқушыларының функционалдық сауаттылығын дамыту әдістемесінің
негіздерін сипаттауға мүмкіндік берді.
Осы мақаланың нәтижелеріне сәйкес, көптеген зерттеулер математика
сабақтарында функционалдық сауаттылықты қалыптастыру оқушылардың
білім деңгейін арттырып қана қоймай, олардың сыни ойлауын, аналитикалық
дағдыларын және проблемаларды шешу қабілетін дамытатынын көрсетеді.
Өз кезегінде математикадан контекстік есептер ықпал етеді. Бұл мақаланың
қорытындысы математикадағы контекстік есептер оқушылардың назарын
оқу пәніне аударуға ықпал етеді және оларға пәндік математикалық
білімді нақты өмірде қолдануға көмектеседі, бұл үшін тиісті жағдайларды
қамтамасыз етеді. Олар функционалдық сауаттылықтың дамуына әсер етеді.
