АҚТӨБЕ ӨҢІРІНЕН ШЫҚҚАН ХАЛЫҚ АҚЫНДАРЫ ШЫҒАРМАЛАРЫНЫҢ ПАТРИОТТЫҚ ТӘРБИЕ БЕРУДЕГІ РОЛІ

Аннотация

Мақала патриотизм құндылықтарын қалыптастыру
шеңберінде бастауыш білім беру жүйесіндегі патриоттық тәрбиенің
басым бағыттарын зерттеуге арналған. Қазіргі таңда бастауыш мектеп
оқушыларын елжандылық, ұлтжандылық, елге сүйіспеншілік бағытында
тәрбиелеу – қоғамның рухани жаңғыруына жол ашып, адам санасында
елдің ұлылығын жаңартуға әкеледі. Бастауыш буынға білім беру процесінде
маңызды орынға аймақтық әдебиет өкілдерінің шығармаларын насихаттау
жұмысының мәнділігі еніп отыр. Мақала мақсаты жыр дүлділі Нұрпейіс
Байғанин, жауынгер ақын Сарышолақ Боранбайұлы, ақпа ақын Ақпан
Әйтпекұлы, Шайыр Әбубәкір Кердері, Ақтан Керейұлы, эпик ақын Жөкей
Шаңғытбайұлы секілді аймақтық әдебиет ақындарының шығармаларын
оқырманға паш ете отырып, патриотизмнің басты бағыттарына сәйкестендіре
талдау болып табылады.
Ақтөбе өңірінің әр кезеңде отты шығармаларымен, тарихи,
этнографиялық, философиялық ойларымен, айтыскерлік, импровизаторлық
дарынымен халықты таңдай қақтырған эпик жыршы Нұрпейіс Байғаниннің
«Қобыланды», «Құбығұл», «Алпамыс», «Төрехан», «Ер Тарғын»,
«Қыз Жібек», «Айман-Шолпан» «Жарқын май», «Жау талқандалады»,
«Отан үшін» секілді тарихи, батырлық шығармалары, ақын Сарышолақ
Боранбайұлының батырлықты дәріптеген, ерлік істерімен халық есінде
қалған батырларды насихаттау бағытындағы шығармалары, Жөкей
Шаңғытбайұлы «Бөгенбай батыр», «Кілем жайған», «Кене хан», «ЕлемесАман», «Жанқожа батыр» дастандары арқылы бастауыш буынды елі мен
жерін сүюге, тарихына көңіл бөліп, құрмет тұтуға насихаттайтын бірегей
шығармалар. Осының бәрін жас ұрпақ біліп өсуге тиіс. Қазақстандық
патриотизм, елжандылық, ұлтжандылық ұғымдарын күнделікті құлағына
сіңіріп, ұғып, ажырата алған баладан болашақта елі мен жерін, тілі мен
ділін құрметтей алатын, үлгі көрсететін ел балалары шығары анық