ЖАСАНДЫ ИНТЕЛЛЕКТТІҢ МАГИСТРАНТТАРДЫҢ ӨЗІНДІК ЖҰМЫС ТӘЖІРИБЕСІНЕ ӘСЕРІ
##plugins.pubIds.doi.readerDisplayName##:
https://doi.org/10.48371/PEDS.2025.76.1.006Кілт сөздер:
Жасанды интеллект, магистранттар, өздік жұмыс, ағылшын тілін оқыту, академиялық ағылшын тілі, академиялық дағдылар, ЖИ қолдану, тәжірибеАннотация
Бұл жұмыс магистранттардың академиялық ағылшын тілі пәнінен өздік жұмыстардың тапсырмаларын орындауда жасанды интеллектті (ЖИ) пайдалануға деген көзқарасын зерттейді. Зерттеудің мақсаты ЖИ-тің магистранттардың академиялық ағылшын тілінен өздік жұмыстарды орындауға қалай әсер ететінін анықтау және оны тиімді пайдалану бойынша ұсыныстар беру. ЖИ-ті қолдану арқылы академиялық ағылшын тілін оқыту тиімді, сонымен қатар оның тіл үйрену нәтижелеріне қалай әсер ететінін түсіну де өте маңызды. Академиялық ағылшын тілін оқытуда ЖИ-ті қолдануды зерделеу оқыту әдістерінің өзгеруіне әсер етіп, оқу үдерісінің тиімділігін арттырудың жаңа мүмкіндіктерін ашады. Зерттеу барысында магистранттардың академиялық ағылшын тілінен өздік жұмыстардың тапсырмаларын орындау үшін ЖИ-ті қолдануға деген көзқарасы туралы деректерді жинау үшін сауалнама әдісі қолданылды. Бұл сауалнама ЖИ-ті өздік жұмыстардың тапсырмаларын орындау үшін қолдану туралы магистранттардың жағымды және жағымсыз пікірлерін анықтады. ЖИ магистранттарға идеяларды ұсыну, қателерді түзету және уақытты үнемдеу арқылы өздік жұмыстарды орындауды жеңілдетуге айтарлықтай көмектеседі. Алайда, ЖИ-ті пайдалану магистранттардың өздік жұмыстар тапсырмаларын орындауына теріс те әсер етеді, оларды технологияға тәуелді етіп, сыни немесе шығармашылық ойлауларын шектейді. Зерттеу барысында алынған ақпаратты талдай отырып, авторлар магистранттар ЖИ-тің осал тұстарын білсе, оны қолдану олардың академиялық дағдыларын дамытуға ықпал етеді деген қорытындыға келді.
