ШЕТТІЛДІК БІЛІМ БЕРУ ЖАҒДАЙЫНДА КӘСІБИ ТУРИСТІК ДИСКУРСИВТІ ҚҰЗЫРЕТТІЛІКТІ ҚАЛЫПТАСТЫРУ ЕРЕКШЕЛІКТЕРІ
##plugins.pubIds.doi.readerDisplayName##:
https://doi.org/10.48371/PEDS.2025.76.1.017Кілт сөздер:
коммуникативті-когнитивті субкомпетенция, лингвомәдени субкомпетенция, кәсіби-туристік субкомпетенция, дискурсивті құзіреттілік, рөлдік ойын әдісі, симуляция әдісі, сыни ойлау әдісі, тапсырмаАннотация
Мақалада қазіргі жаһандану және әлемдік интеграция үдерістерінің ықпалымен шетел тілін меңгеру және мәдениаралық коммуникация дағдыларының маңызы туралы айтылады. Әсіресе, туристік салада кәсіби мамандардың шетел тілінде дұрыс қарым-қатынас жасау, мәдениетаралық түсіністік және ерекше туристік қызметтерді ұсыну қабілеті маңызды рөл атқарады. Осы орайда, шетел тілін меңгеру арқылы кәсіби туристік дискурсивті құзыреттілікті қалыптастыру - кәсіби біліктілікті арттырудың, мәдени шекараларды жоюдың және сапалы қызмет көрсету деңгейін көтерудің маңызды аспектісі болып табылады. Бұл мақалада шетел тілін меңгеру жағдайында кәсіби туристік дискурсивті құзыреттіліктің қалыптасуы және оның негізінде пайда болатын субкомпетенциялардың ерекшеліктері қарастырылады. Туристік саладағы кәсіби шеттілдік дискурсивті құзыреттілік мәдениетаралық өзара әрекеттестіктің тиімді құралы ретінде қарастырылып, туристік мамандардың шетел тілінде қарым-қатынас жасау дағдыларын дамытуға бағытталған оқу бағдарламалары мен әдіс-тәсілдер ұсынылады. Сонымен қатар, шеттілдік білім беру жағдайында туристік дискурсивті құзыреттіліктің қалыптасуына әсер ететін негізгі факторлар, оның ішінде мәдениетаралық білім, тілдік қатынас стратегиялары және кәсіби бағдарланған дағдылар зерттеледі.
