ҒЫЛЫМИ КАРТАЛАУ ӘДІСТЕРІ НЕГІЗІНДЕ ПЕДАГОГИКАЛЫҚ ГЕРМЕНЕВТИКА ТАҚЫРЫБЫНДАҒЫ ЗЕРТТЕУЛЕРДІҢ БИБЛИОМЕТРИКАЛЫҚ ТАЛДАУЫ
##plugins.pubIds.doi.readerDisplayName##:
https://doi.org/10.48371/PEDS.2026.81.2.012Кілт сөздер:
педагогикалық герменевтика, интерпретация, түсіну, білім беру философиясы, библиометриялық талдау, Scopus, тақырыптық карта, мұғалімдерді даярлауАннотация
Бұл мақала 2005-2025 жылдар аралығында Scopus дерекқорында индекстелген педагогикалық герменевтика бойынша жарияланымдарға арналған библиометриялық шолу болып табылады. Зерттеудің өзектілігі білім беру саласында герменевтикалық тәсілдерге қызығушылықтың артуымен және осы бағытта жүйелі сандық талдаулардың жеткіліксіздігімен негізделеді. Зерттеудің мақсаты – негізгі авторларды, маңызды жарияланымдарды, жетекші журналдарды, қатысушы елдерді, басты ұғымдар мен эволюцияланушы тақырыптық бағыттарды анықтау арқылы педагогикалық герменевтиканың зияткерлік ландшафтысын картаға түсіру. Зерттеуде RStudio ортасындағы Bibliometrix пакетін пайдалана отырып, библиометриялық әдістер қолданылды. «Pedagogical» және «hermeneutics» кілт сөздері бойынша іріктелген барлығы 195 жарияланым талданды. Нәтижелер ең көп дәйексөз алынған мақалаларды, ең өнімді ғылыми орталықтарды және тақырыптың жалпы даму динамикасын айқындады. Сонымен қатар, бірлескен авторлық желілер, социтаталау талдауы, тақырыптық эволюция карталары мен стратегиялық диаграммалар құрылып, әртүрлі зерттеу бағыттарының жетілу деңгейін, даму қарқынын және салыстырмалы маңыздылығын кешенді бағалауға мүмкіндік берді. Зерттеу нәтижелері бойынша оқытудағы интерпретация, диалогтік тәсілдер, білім беру феноменологиясы және мұғалімдерді даярлау тақырыптары осы ғылыми өрісте жетекші орын алатыны анықталды. Алынған деректер педагогикалық герменевтика саласында тұрақты әрі пәнаралық зерттеу кластерінің қалыптасып келе жатқанын көрсетеді. Жүргізілген талдау педагогикалық герменевтика бойынша болашақтағы теориялық, әдіснамалық және эмпирикалық зерттеулерге берік негіз қалайды.
