ШЕТЕЛДІК ЗЕРТТЕУШІЛЕРДІҢ АРАЛАС ОҚЫТУ ТУРАЛЫ ТЕОРИЯЛЫҚ ТҮСІНІКТЕРІ (BLENDED LEARNING)
##plugins.pubIds.doi.readerDisplayName##:
https://doi.org/10.48371/PEDS.2022.65.2.001Кілт сөздер:
аралас оқыту, сарапшылар, теориялық түсінік, әдіс, модельдер, оқытушының рөлі, цифрландыру, ресурстар, гибридтік негізАннотация
Бұл мақалада соңғы 20 жыл ішінде американдық және еуропалық білім беру жүйесінде қолданылған аралас оқыту әдісін теориялық түсінудің сарапшылық тәжірибесі талданды. Қолжетімді жарияланымдар аралас оқытудың негізін талдауды, оның болашағы мен мүмкіндіктері туралы талқылауды қамтиды. Қазақстанда аралас оқытуды енгізудің озық тәжірибесін енгізуге ұмтылады және отандық білім беру контекстінде бұл әдістің мүмкіндіктері туралы өзіндік көзқарасын ұсынады. Бұл мақаланың мақсаты ретінде жалпы аралас оқытудың табиғаты, ерекшеліктері мен болашағы туралы шетелдік сарапшылардың теориялық идеяларын ашу болып табылады. Аралас оқытудың теориялық концепцияларын зерттеу 2000-2010 жылдардағы шетелдік зерттеушілердің ғылыми-әдістемелік жұмыстарының материалдары бойынша жүзеге асырылады. Дереккөздердің басым бөлігі аралас оқытудың бастамашылары қауымдастығын білдіретін американдық зерттеушілерге және білім беру жүйесін жаңғырту жағдайында осы бастаманы жүзеге асырушылар ретінде ресейлік сарапшыларға тиесілі. Бұл мақсатқа жету үшін салыстырмалы талдау, синтез және индуктивті жалпылауды қамтитын зерттеу әдістерінің кешені пайдаланылды. Сарапшылар аралас оқытудың жүйе құраушы сипатын мойындайды, оның басты ерекшеліктерінің бірі студентке бағдарлану. Сарапшылардың пікірінше, білім беру жүйесінде аралас оқытуды дамыту оқытушының академиялық рөлін, жалпы білім беру үдерісін әдістемелік қамтамасыз ету және ұйымдастыру саласындағы саясатты сапалы түрлендіруді талап етеді. Сарапшылар аралас оқытудың табысты дамуы негізінен білім беру мекемесінің ресурстық жағдайына байланысты екендігімен келіседі, ол тиісті сандық инфрақұрылыммен, мазмұнмен, IT қызметкерлерімен, сандық құзыреттіліктері бар оқытушылармен және студенттермен қамтамасыз етілуі керек. Алынған нәтижелер жоғары оқу орындарының нақты білім беру бағдарламаларына қатысты аралас оқытудың теориялық негіздерін практикалық тұрғыдан түсіну қажеттілігін көрсетеді. Теориялық түсінудің осы кезеңінде нақты профильдегі мамандарды дайындаудың әдістемелік құралдарын әзірлеуге болады.
