ДИФФЕРЕНЦИАЛДЫҚ ТЕҢДЕУЛЕРГЕ АРНАЛҒАН КЕРІ ЕСЕПТЕРДІ ОҚЫТУДА СТУДЕНТТЕРДІҢ ПӘНДІК ҒЫЛЫМИ БІЛІМДЕРІН ДАМЫТУ
##plugins.pubIds.doi.readerDisplayName##:
https://doi.org/10.48371/PEDS.2022.65.2.016Кілт сөздер:
дифференциалдық теңдеулерге арналған кері есептер, қолданбалы математика, есептеу алгоритмдері, ғылыми дүниетаным, педагогикалық технологияларАннотация
Жоғары оқу орындарының студенттерін оқыту үдерісінде қоршаған орта туралы әлемдік ғылымның заманауи технологияның жетістіктерімен таныстыруға тиіс. Қоршаған әлемді зерттеудің тиімді ғылыми тәсілдерінің бірі ғылыми әдіс болып табылады, оның негізі математикалық модельдеу болып табылады. Математикалық модельдер ғылыми тұрғыдан маңызды қасиеттерге ие. Осындай қасиеттердің ішінде олардың ғылыми және танымдық әлеуетін, сондай-ақ әртүрлілік қасиетін ерекше атап өткен жөн.
Дифференциалдық теңдеулер үшін кері есептердің математикалық модельдерін қолдану әртүрлі объектілерді, үдерістерді мен құбылыстарды мобильді және тиімді зерттеуге мүмкіндік береді. Мұндай үдерістер зерттеушіге қол жетімді жерлерде (жер, су, ауа кеңістігі) ғана емес, сонымен бірге зерттеушіге зерттеу мүмкіндігі қолайсыз жерлерде (мұхиттардың терең қабатында, жер асты қабаттарында, ғарыш кеңістігі және т.б.) де болуы мүмкін. Бұл жағдайлар жоғары оқу орындарында дифференциалдық теңдеулер үшін кері есептерді оқыту негізінде мамандар даярлау қажеттілігінің айқын көрінісі. Студенттерге дифференциалдық теңдеулер үшін кері есептерді оқытуда олардың шығармашылық қабілеттері дамиды, кері есептер бойынша іргелі ғылыми білім де, ғылыми креативтілігі де қалыптасады, ғылыми дүниетаным дамиды.
