ИНКЛЮЗИВТІ БІЛІМ БЕРУ МЕН ОҚЫТУ ЖҮЙЕСІНДЕ ЫМ ТІЛІНІҢ ҚОЛДАНЫЛУЫНА ШОЛУ

Аннотация

Білім – шексіз әлем. Осы шексіз әлемде әркім өзіне керегін алуды көздейді. Әр адам өз өмірін жақсартуға негіз болатын білім екеніне сенеді. Сондай жандар ерекше білім беруді қажет ететін балалар. Қазір мүмкіндіктер аясы кеңейді, соның нәтижесінде инклюзивті білім мен инклюзивті оқыту ұғымы қалыптасты. Инклюзивті білім беру жаһандық деңгейде білім беру жүйелерін жетілдірудің негізгі стратегиясын ұсынады. Инклюзивті білім берудің қазіргі жағдайын бағалау және бар олқылықтарды анықтау үшін әдебиеттерге жүйелі шолу жасалды. Бұл зерттеудің негізгі мақсаты инклюзивті білім беру контекстінде жестау тілін тану жүйелерінің қолданылуы мен тиімділігін егжей-тегжейлі зерттеу болып табылады. Осы мақсатқа жету үшін екі негізгі міндет қойылды. Біріншіден, оқудың бірегей ерекшеліктерін және саңырау немесе нашар еститін оқушылардың қажеттіліктерін анықтауды қоса алғанда, инклюзивті білім беру тәжірибесін зерттеу қажет. Екіншіден, бұл технологиялардың есту қабілеті нашар адамдардың білім беру жетістіктеріне қалай әсер ететінін түсіну үшін жестау тілін тану технологияларын білім беру процесіне біріктірудің тәжірибесі мен әсерін бағалау маңызды. Бұл тұрғыда инклюзивті білім беруді жақсарту үшін инновациялық шешімдерді қалай пайдалануға болатынын тереңірек түсінуге мүмкіндік беретін заманауи технологиялық жетістіктерді мұқият қарастыру жүргізілуде. Алынған нәтижелер негізінде білім беру мекемелеріне осындай технологияларды дамытуға және енгізуге бағытталған әрі қарайғы зерттеулер үшін ұсыныстар ұсынуға болады, бұл өз кезегінде инклюзивті білім беру ортасын құруға және әртүрлі қажеттіліктері бар оқушылардың оқу нәтижелерін жақсартуға ықпал етеді.