ТЕХНИКАЛЫҚ ПРОФИЛЬДІ СТУДЕНТТЕРДІҢ ШЕТЕЛ ТІЛІН КӘСІБИ-БАҒДАРЛЫҚ ҚҰЗЫРЕТТІЛІГІН ҚАЛЫПТАСТЫРУДАҒЫ ИНТЕРАКТИВТІ-ИММЕРСИВТІ ТӘСІЛ
##plugins.pubIds.doi.readerDisplayName##:
https://doi.org/10.48371/PEDS.2025.76.1.022Кілт сөздер:
интерактивті-иммерсивті тәсіл, шет тіліндегі кәсіби-бағытталған компетенция, техникалық бағыт, ифрлық білім беру контенті, жасанды интеллект, виртуалды шындық, симуляциялар, цифрлық қосымшаларАннотация
Бұл мақалада техникалық мамандық студенттерінің шет тілінде кәсіби бағдарланған компетенциясын қалыптастыруда интерактивті-иммерсивті тәсілдің енгізілуі қарастырылған. Интерактивті-иммерсивті тәсілді іске асырудың концепциясы ұсынылған, ол шет тілінде кәсіби бағдарланған компетенцияны қалыптастыру принциптерін және жылдам өзгеріп жатқан цифрлық әлемдегі білім беру процесін оптимизациялау үшін цифрлық білім беру мазмұнын таңдаудағы принциптерді қамтиды. Зерттеу барысында техникалық мамандық студенттерінің шет тілінде кәсіби бағдарланған компетенциясының кәсіби модулдерінің мазмұны негізделіп, жасанды интеллект, виртуалдық симуляциялар, ойындар мен кейс-симуляциялар, сондай-ақ интерактивті қосымшалар мен мультимедиялық құралдарды оқу процесіне интеграциялайтын инновациялық әдістеме жасалды. Мұндай интеграция студенттердің оқу процесіне актив қатысуын арттырып, кәсіби қызметте тілдік дайындығын жақсартады.
Зерттеуге 186 техникалық мамандық студенті қатысты (94 бақылау тобында және 92 эксперименттік тобында). Эксперименттік оқу Қазақстан-Британ техникалық университетінде жүргізілді.
Зерттеудің методологиялық негізі үш негізгі кезеңді қамтиды: диагностикалық, қалыптастырушы және бақылаушы. Жүргізілген тәжірибелік-эксперименттік оқыту нәтижесінде интерактивті және иммерсивті технологияларды пайдаланудың студенттердің оқу процесіне тартылу деңгейін айтарлықтай арттырып, олардың тілдік дайындығын жақсартатыны анықталды, бұл кәсіби бағдарланған компетенцияны қалыптастырудағы жоғары нәтижелермен расталады. Жаңа оқу формаларына бейімделу мен өзін-өзі ұйымдастыру қажеттілігімен байланысты қиындықтар, осындай оқу әдістерін әрі қарай әзірлеу мен іске асырудың маңызды екенін көрсетеді.
Аталған талдау мен эксперимент нәтижелеріне негізделе отырып, интерактивті және иммерсивті технологияларды білім беру процесіне интеграциялаудың қажеттілігі туралы қорытынды жасаймыз, бұл мамандарды дайындау сапасын жақсартуға және қазіргі еңбек нарығының талаптарына бейімдеуге бағытталған. Интерактивті-иммерсивті тәсілді білім беру жүйесіне енгізу тек инновация емес, сонымен қатар ғаламданған әлемнің шақыруларына дайын білікті мамандарды даярлауда маңызды қадам болып табылады.
