МЕКТЕП ОҚУШЫЛАРЫН ХАЛЫҚАРАЛЫҚ АҒЫЛШЫН ТІЛІ БОЙЫНША ЕМТИХАНҒА ДАЙЫНДАУДАҒЫ ТӘЖІРИБЕ
##plugins.pubIds.doi.readerDisplayName##:
https://doi.org/10.48371/PEDS.2026.82.3.025Кілт сөздер:
халықаралық емтихан, түлектер, продуктивті дағдылар, перцептивті дағдылары, жетілдіру, қиындықтар, артықшылықтар, оқу бағдарламасыАннотация
Қазақстанда ағылшын тілін оқытуға деген қызығушылықтың артуы оны халықаралық мүмкіндіктерді кеңейтудің маңызды құралына айналдырды. Осыған байланысты оқушылардың рецептивті және продуктивті дағдыларын дамытуға бағытталған IELTS (Ағылшын тілі деңгейін халықаралық бағалау жүйесі) бойынша элективті курсты енгізу мектеп бағдарламасында өзекті мәселеге айналып отыр. IELTS академиялық ағылшын тілін меңгеру деңгейін бағалайды және шетелдік жоғары оқу орындарына түсу мен халықаралық бағдарламаларға қатысу кезінде кеңінен талап етіледі. Мектептегі IELTS-қа дайындық оқушыларға тілдік дағдыларды жүйелі түрде дамытуға, емтихан стратегияларын меңгеруге және тестілеуге байланысты қобалжуды төмендетуге мүмкіндік береді. Мақалада мектеп түлектерінің ағылшын тілін меңгеру деңгейін арттыруға бағытталған элективті курс арқылы оқушыларды IELTS емтиханына дайындаудың артықшылықтары мен қиындықтары қарастырылады. Зерттеуде сандық әдістер қолданылып, авторлық «IELTS-қа қажетті дағдыларды дамыту» бағдарламасын жүзеге асыру барысында сауалнама мен педагогикалық бақылау жүргізілді. Зерттеуге Астана қаласындағы мектеп-лицейлердің бірінде білім алатын, ағылшын тілін меңгеру деңгейлері әртүрлі 76 оқушы қатысты. Зерттеу нәтижелері мектеп бағдарламасы аясындағы жүйелі дайындықтың продуктивті және рецептивті дағдылардың айтарлықтай дамуына және оқушылардың оқу мотивациясының артуына оң ықпалын көрсетті. Продуктивті тілдік дағдыларды дамытудағы қиындықтарға, оқу уақытының шектеулілігіне және психологиялық қысымға қарамастан, оқушылар жоғары қызығушылық пен табандылық танытты. Зерттеудің практикалық маңыздылығы мектеп тәжірибесінде IELTS-қа дайындықты тиімді ұйымдастырудың мүмкіндіктерін айқындауымен ерекшеленеді. Бағдарлама тыңдалым, оқылым, жазылым және айтылым дағдыларын дамытуға мүмкіндік береді. Тұрақты тәжірибе, жеке кері байланыс және құрылымдалған оқыту оқушылардың ойды жүйелі жеткізуіне, еркін сөйлеуіне, сөздік қорының кеңеюіне және айтылымының жақсаруына оң әсер етті. Осылайша, әдістемелік тұрғыдан дұрыс ұйымдастырылып, психологиялық қолдау көрсетілген жағдайда, осындай элективті курс Қазақстан мектептеріндегі тілдік білім берудің тиімді құрамдас бөлігіне айналып, оқушыларды халықаралық емтихандарға тиімді дайындауға ықпал ете алады.
