ОРЫС ТІЛІН МЕҢГЕРУДІ ЖЕТІЛДІРУГЕ АРНАЛҒАН ЦИФРЛЫҚ ҚҰРАЛДАР: ЛИНГВОДИДАКТИКАДАҒЫ АКТ ИНТЕГРАЦИЯСЫНЫҢ КЕЙСІ
##plugins.pubIds.doi.readerDisplayName##:
https://doi.org/10.48371/PEDS.2026.82.3.020Кілт сөздер:
цифрлық педагогика, орыс тілі, орыс тілі шетел тілі ретінде (РКИ), технологиялармен қолдау көрсетілетін тілдік оқыту (TELL), тілдік құзыреттілікті бағалау, Орталық Азиядағы тілдік білім беру, көптілді білім беру, ТРКИ (Шетел азаматтарына арналған орыс тілі бойынша тест)Аннотация
Тілдік білім беруді цифрлық трансформациялау орыс тілін шетел тілі ретінде оқытуда, әсіресе көптілді білім беру ортасында, жаңа мүмкіндіктерге жол ашты. Білім беру технологияларына қызығушылықтың артуына қарамастан, нақты цифрлық платформалардың шынайы университеттік жағдайларда тиімділігін салыстырмалы түрде бағалайтын зерттеулер әлі де жеткіліксіз, әсіресе Орталық Азия өңірінде.
Бұл зерттеуде орыс тілін меңгеруді дамытудағы кеңінен қолданылатын екі платформа — Kahoot және Padlet-тің ықпалы қарастырылды. Зерттеудің мақсаты олардың грамматика, сөздік қор және оқу дағдыларына әсерін салыстыру, студенттер мен оқытушылардың көзқарастарын талдау, сондай-ақ Қазақстанның жоғары білім беру жүйесінде технологияларды табысты енгізуге ықпал ететін факторларды анықтау болды.
Алты апталық квазиэкспериментке орыс тілін меңгеру деңгейі А2–В1 аралығындағы шетелдік студент қатысты. Қатысушылар Kahoot тобына (n = 30) және Padlet тобына (n = 30) бөлінді. Деректер ТРКИ талаптарына сәйкес әзірленген алдын ала және қорытынды тестілер, сауалнамалар, аудиториялық бақылаулар және бес оқытушымен жүргізілген жартылай құрылымдалған сұхбаттар арқылы жиналды. Сандық деректер SPSS бағдарламасында t-тест пен ANOVA әдістері арқылы талданды, ал сапалық деректер NVivo бағдарламасында тақырыптық кодтау негізінде өңделді.
Зерттеу нәтижелері екі платформаның да тіл үйрену үдерісіне оң әсер еткенін көрсетті, алайда олардың педагогикалық артықшылықтары әртүрлі болды. Kahoot грамматикалық құрылымдарды қайталау және жедел кері байланыс арқылы бекітуде жоғары тиімділік танытса, Padlet бірлескен оқыту мен тілді контекстік қолдануды дамытуға көбірек ықпал етті. Сонымен қатар нәтижелер технологияларды табысты енгізу оқытушылардың даярлығына, техникалық қолдауға және цифрлық пен дәстүрлі оқыту тәсілдерінің үйлесімді ықпалдастырылуына байланысты екенін көрсетті.
Зерттеу ойын элементтеріне негізделген және бірлескен оқыту платформаларын орыс тілін шетел тілі ретінде оқытуда қолдану жөнінде эмпирикалық дәлелдер ұсына отырып, цифрлық лингводидактиканың дамуына үлес қосады. Сонымен қатар ол жаһандық білім беру технологияларын Қазақстанның көптілді университеттік ортасына тиімді бейімдеудің мүмкіндіктерін көрсетеді.
