ЖАСАНДЫ ИНТЕЛЛЕКТТІ КІРІКТІРУДІҢ ТІЛДІК ЕМЕС МАМАНДЫҚТАР СТУДЕНТТЕРІНІҢ КОММУНИКАТИВТІК ҚҰЗЫРЕТТІЛІГІН ҚАЛЫПТАСТЫРУҒА ЖӘНЕ ОНЫ ҚАБЫЛДАУЫНА ӘСЕРІ
##plugins.pubIds.doi.readerDisplayName##:
https://doi.org/10.48371/PEDS.2026.82.3.005Кілт сөздер:
жасанды интеллект, шет тілін оқыту, тілдік емес мамандықтар, коммуникативтік құзыреттілік, жоғары білім, бақылау тобы, коммуникативтік құзыреттілік, дәстүрлі тәсілдерАннотация
Бұл зерттеу жоғары оқу орындарындағы тілдік емес мамандықтарда білім алатын студенттердің коммуникативтік құзыреттіліктеріне жасанды интеллектті қолданудың әсерін зерттеуге арналған. Қазіргі таңда шет тілін меңгеру кәсіби коммуникацияның ажырамас құрамдас бөлігі ретінде қарастырылады. Алайда оқу сағаттарының шектеулі болуы, жоғары академиялық жүктеме және студенттердің мотивация деңгейінің төмендігі себепті дәстүрлі оқыту тәсілдері 119-26B және 119-28C топтары студенттерінің қажеттіліктерін толық қанағаттандыра алмайды.
Зерттеуде сапалық және сандық әдістер кешенді түрде қолданылды. Сандық деректер студенттердің тілдік даярлығы, сөйлеу, жазу және сөздік қорды пайдалану дағдыларын бағалау арқылы алынды. Ал сапалық деректер ашық сұрақтардан тұратын сауалнамалар мен сұхбаттар негізінде жиналды.
Зерттеуге қатысқан студенттер эксперименттік және бақылау топтарына бөлінді. Эксперименттік топ студенттері жасанды интеллект технологияларын пайдалана отырып оқытылса, бақылау тобының студенттері шет тілін дәстүрлі оқыту әдістері арқылы меңгерді.
Зерттеу нәтижелері шет тілін оқыту үдерісінде жасанды интеллектті қолдану студенттердің коммуникативтік құзыреттіліктерінің едәуір дамуына, сондай-ақ олардың дербестігі мен оқу мотивациясының артуына ықпал ететінін көрсетті. Алынған нәтижелер жасанды интеллекттің кәсіби бағытталған коммуникацияны дамытудағы және дәстүрлі тілдік оқытудың кемшіліктерін еңсерудегі оң рөлін дәлелдеді.
