ЖУРНАЛИСТ СТУДЕНТТЕРДІҢ ШЕТ ТІЛДІК КӘСІБИ БАҒДАРЛЫ ҚҰЗЫРЕТТІЛІГІН САНДЫҚ БІЛІМ БЕРУ РЕСУРСТАРЫН ПАЙДАЛАНА ОТЫРЫП ҚАЛЫПТАСТЫРУДЫҢ МАҢЫЗДЫҒЫ
##plugins.pubIds.doi.readerDisplayName##:
https://doi.org/10.48371/PEDS.2023.69.2.014Кілт сөздер:
шетел тілі, шет тілінде білім беру, шетел тілдік кәсіби-бағдарлы құзыреті, студент-журналист, сандық технологиялар, сандық білім беру ресурстары, құзірет, құзыреттілікке негізделген тәсіл, шет тіліндегі кәсіби коммуникацияАннотация
Мақалада студент-журналистердің шет тілдік кәсіби-бағдарлы құзыретін қалыптастыру мәселесі бойынша отандық және шетелдік зерттеушілер жүргізген ғылыми зерттеулер мен ғылыми көзқарастар қарастырылады. Бұл мақаланың мақсаты сандық білім беру ресурстарын пайдалана отырып, журналистика студенттерін даярлауда шет тілдік кәсіби-бағдарлы құзыреттілігін қалыптастыру әдістемесінің ғылыми-теориялық негіздерін ашу болып табылады. Мақаланың ғылыми-тәжірибелік маңыздылығы ғалымдардың назарын болашақ журналистің шет тілдік кәсіби-бағдарлы білім беруіне, оның функцияларына, құзыреттілік жүйесіндегі орны мен цифрлық білім беру ресурстарының журналистика факультетінің студенттерінің шет тілдік кәсіби-бағдарлы құзіреттілігін қалыпастырудағы алатын орнына, сонымен қатар, шет тілдік кәсіби-бағдарлы құзіреттілігінің әрбір қосалқы құзыреті бойынша студент-журналист дағдыларын көрсету қажеттілігін негіздеуге аударуы болып табылады.
Қазіргі уақытта әртүрлі елдер мен мәдениеттер арасындағы ынтымақтастықтың жоғары деңгейіне жетудің тиімді әдісі ретінде мәдениетаралық коммуникацияның маңыздылығы артып келеді. Әртүрлі елдер мен мәдениеттер арасындағы ынтымақтастықтың даму үдерісі адам қызметінің барлық салаларына әсер етті. Бүкіл әлемде қарқынды жүріп жатқан геосаяси үдерістер мәдениеттер диалогының жандануына, Қазақстан мен әртүрлі шет мемлекеттер арасындағы ынтымақтастықтың дамуына ықпал етуде. Бұл жағдайлар университет түлектеріне, яғни кәсіби қызметтің әртүрлі салаларындағы мамандарға қойылатын талаптардың жоғарылауын, сондай-ақ журналистика саласындағы мамандарға деген сұраныстың артатынын көрсетті. Сонымен, шет тілдік қарым-қатынас жаһандану кезеңінде қазіргі журналистердің кәсіби қызметінің құрамдас бөлігіне айналды. Журналистика саласының мамандарының әртүрлі қызмет салаларында елдер мен мәдениеттер арасында байланыс орнатуға және қарым-қатынастар мен ынтымақтастықты дамытуға қосатын үлесі зор.
Бүгінгі таңда сапалы заманауи білім берудің міндетті талабы ретінде дәстүрлі білім берудің озық технологияларды қолданумен үйлесімді тоғысуын алға қойған жөн. Білім берудегі цифрлық технологиялар жалпы білім беру жүйесінде жаңа әдістемелік тәсілдерді қолдануға мүмкіндік береді, өйткені шетел тілі сабақтарында мультимедиялық визуализацияның болуы мұғалімнің пәнді тиімді оқытуға да, мұғалімнің де пәнді меңгеруіне ықпал етеді. Мультимедианы пайдалану студентке материалмен қалай жұмыс істеу керектігін, олардың интерактивті мүмкіндіктерін қалай өңдеу керектігін және оқу процесінің басқа қатысушыларымен бірлесіп жұмысты қалай жүзеге асыру керектігін шешу құқығын береді. Осылайша, мұғалімдер оқу үдерісінің белсенді қатысушылары болып табылады. Жетілдірілген цифрлық білім беру ресурстарын дұрыс пайдалану студенттер арасындағы мәдени және әлеуметтік айырмашылықтарға, олардың жеке стиліне, оқу қарқынына, қызығушылықтарына қатысты оқу процесін сәтті болуын қамтамасыз етеді.
Осылайша, болашақ журналистерді даярлауда сапалы цифрлық технологияларды пайдалану олардың кәсіби-бағдарлы шет тілдік құзыреттілігін қалыптастырудың маңызды мәселесі болып табылады.
