АГРОӨНЕРКӘСІП БАҒЫТЫНДА БІЛІМ АЛАТЫН СТУДЕНТТЕРДІҢ ШЕТТІЛДІК КӘСІБИ-КОММУНИКАТИВТІ ҚҰЗІРЕТТІЛІГІН ҚАЛЫПТАСТЫРУ (ОНЛАЙН ОҚЫТУ АЯСЫНДА)
##plugins.pubIds.doi.readerDisplayName##:
https://doi.org/10.48371/PEDS.2025.76.1.002Кілт сөздер:
blended learning технологясы, A la carte Model: Online courses for on campus students моделі, студенттерінің шеттілдік кәсіби-коммуникативті құзіреттіліктері, дәйекті-стадиалды сабақтастық, аграрлық білім беру саласы, тәжірибе, онлайн курс, кәсіптік білім беруАннотация
Бұл мақалада blended learning технологясының үздік тәжірибесін қолдана отырып, оның ішінде, A la carte Model: Online courses for on campus students моделінің негізінде дамытылған онлайн курсты енгізе отыра, Астана қаласындағы, С.Сейфуллин атындағы Қазақ агротехникалық зерттеу университетінің “Агрономия” және “Егіншілік және өсімдік шаруашылығы” факультеттері студенттерінің шеттілдік кәсіби-коммуникативті құзіреттіліктерін қалыптастыру мәселесі қарастырылады. Мақала академик С.С. Құнанбаеваның қазіргі заманғы кәсіптік білім берудің алғышарттары негізінде қалыптасқан дәйекті-стадиалды сабақтастық құзыреттілік моделіне негізделеді. Зерттеу жұмысы барысында, Қазақстан Республикасы Ғылым және жоғары білім министрлігі Жоғары білім беруді дамытудың ұлттық орталығының 2024 жылдың бірінші жартыжылдығында Қазақстанның жоғары оқу орындарында қашықтықтан оқытуды іске асыру бойынша жүргізген мониторингі нәтижесінде, A La Carte моделінің Қазақстандық тәжірибесі MOOC, яғни, Massive Open Online Courses, жаппай ашық онлайн курстардың (бұдан әрі – ЖАОК) қолдану аясына сараптама жүргізілді және аграрлық білім беру саласына шеттілдік кәсіби-коммуникативтік құзіреттіліктерді қалыптастыру бойынша курстардың енгізілу қажеттілігі анықталды. Енгізілген курстың тиімділігін зерттеу мақсатында, Астана қаласындағы, С.Сейфуллин атындағы Қазақ агротехникалық зерттеу университетінің “Агрономия” және “Егіншілік және өсімдік шаруашылығы” факультеттері базасында эксперимент жүргізілді. Зерттеу барысы бойынша жүргізіліп отырған тәжірибеге Агрономия факультетінің “Егіншілік және өсімдік шаруашылығы” кафедрасы және Ветеринария және мал шаруашылығы технологиясы факультетінің “Мал шаруашылығы өнімдерін өндіру және өңдеу технологиясы” кафедрасының 30-дан астам студенттері қатысты. Мақаланың қорытындысында жүргізілген эксперименттің тиімділігі дәлелденіп, Қазақстандық кәсіптік білім беру үрдісіне жасақталған курсты енгізу ұсынылды.
